Joao Pedro tuir kompetisaun iha kompetisaun Junior ho SCB

 

Braga. Jogador João Pedro nebe hetan asina kontratu ho titul «Estagio» ho ekipa Sporting Clube de Braga (SCB) hahu dadaun prepara bele sai hanesan opsaun ba treinador…. nune bele hola parte iha plantel junior iha kampionato junior iha semana oin hasoru ekipa husi Moreirense.

Iha Liga Profisional sira iha kampioanto sira Europa nian, iha kompetisaun iha eskalaun hotu-hotu , eskalaun prinsipal no formasaun. Iha ekipa Sporting Clube de Braga (SCB) tuir kompetisaun iha Liga principla mak ekipa A tuir primeira divisaun «Liga Nós», ekipa B tuir kompetisaun iha segunda divisaun « Liga CTT».

Enquanto Formasaun nian iha kompetisaun tuir zona ,zona Norte, centro no sul. Iha ekipa formasaun tuir kompetisaun sub-19, sub-17 no sub-15. La konta hanesan iniciado sira.

João Pedro ne´ebe mak SCB sosa husi AD SLB (Associação Desportiva Sport, Laulara & Benfica) ho «titul estagio», oras ne´e treina ona hamutuk ho ekipa sub-19 no bele sai mos hanesan opsaun ba treinador iha jogu sira tuir iha kompetisaun Sub-19 1º fase zona Norte Portugal nian.  Kompetisaun sub-19 ne´ebe tuir Clube hamutuk 12, jogu tama ba jornada dala 15, FC Porto Sub-19 mak lidera ho 37 pontus no SCB sub-19 hela segundu lugar ho 26 pontus.

Jogo iha jornada tuir mai SCB sub-19 sei ba joga hasoru Moreirense, João Pedro bele sai ona opsaun ba treinador José Carvalho de Araujo, depende ba performense atleta durante treino no adaptasaun ba futebol europeia no klima nebe la hanesan.

Husi kompetisaun sub-19 mak normalmente,ekipa sira hare jogador nebe diak promove ba joga iha plantel prinsipal ekipa A ka B, mos bele transferensia ba clube seluk!