João Pedro tuir dalan Pincho, Joca no Alfaia joga iha Liga Portuguesa

Dili. João Pedro eis-jogador Associação Desportiva (AD) Sport, Laulara e Benfica (SLB) ne´ebe Sporting Clube de Braga (SCB) Portugal sosa ona, sei aranka ba Portugal iha loron 15 fulan Julho tinan 2017,hakerek Haksesuk Bola online (1).

Iha loron 1 fulan Julho tinan 2017, João Pedro halo ona jogu ikus ho nia ekipa AD SLB iha jornada ba dala 9 iha estadiu Munisipal Baucau, hanesan despedida ba adeptus bola sira iha cidade nia moris fatin, hakerek Haksesuk Bola online (2).

Iha tinan sira kotuk, liliu iha biban Portugal nia ukun iha jogador nain 2 mak joga ona iha Liga Portuguesa mak Joca no Pincho. Iha tinan 1970 ne´ebe, liliu iha epoka 1973/74 antigu jogador Sporting Clube de Timor (SCT) ne´e hetan salto ida iha nia kareira futebolista, hetan kontratasaun nudar jogador husi ekipa Primeira divisaun Liga Portuguesa Belenense no konsegue atua iha Taça UEFA hasoru ekipa hanesan Lyon Franla, FC Barcelona no seluk tan, hare mos Haksesuk Bola Online (3).

Iha mos Timor oan seluk ne´ebe mak atu iha kampionatu Portuguesa hanesan Joca no Pele ne´ebe joga iha Academica de Viseu. Maibe iha epoka 80 mai 90 (sekulu 20) iha mos jogador Timor ona ne´ebe mak joga iha kampionatu Portuguesa mak Nelson Moreira de Lemos Alfaia, joga iha primeira divisaun iha Clube Leça de Palmeiras iha epoka, 1995/96,1996/97, 1997/98, 1998/1999, hare Haksesuk Bola online (4).

João Pedro sei ba joga iha Clube sporting Clube de Braga (SCB) hahu nudar jogador ho titul «Estagio» iha ekipa B Sporting Clube de Braga (SCB) hafoin mak bele hetan kontratasaun foun nudar jogador Profisional iha Clube SCB. (A.Silva/haksesuk Bola).

 

Referensia:

1) João Pedro dia 15 julho aranka ba Portugal

http://haksesukbola.com/joao-pedro-dia-15-julho-aranka-ba-portugal/?lang=tl

2) João Pedro halo despedida ba adeptos bola iha Baucau

http://haksesukbola.com/joao-pedro-halo-despedida-ba-adeptos-bola-iha-bauca/?lang=tl

3) Pincho- o Maestro conquistador

http://haksesukbola.com/pincho-o-maestro-conquistador/?lang=tl

4) Alfaia jogador no treinador Futebol

http://haksesukbola.com/alfaia-jogador-no-treinador-futebol/?lang=tl