Investe Futebol la iha resultadu, diak liu modalidade nebe lori resultadu

Dili.Partisipasaun selesaun U23 Timor-Leste iha kompetisaun oficial buka hare fila fali tanba la lori resultadu ne´ebe mak diak maibe la fó satisfasaun wainhira kompara ho investimentu husi Estadu ba futebol iha tinan 3 ikus ne´e.

Tuir kompetisaun oficial hanesan SEA Games (ASEAN), Asian Games (ASIA),Olimpico (mundial)  governu liu Federasaun no Confederasaun Desportivo Timor-Leste, apostu liu iha modalidade sira ne´ebe mak iha potensia  hetan «Medalha».

Modalidade futebol iha kompetisaun ofisial nia resultadu la koresponde ba espetativu publiku nian,liliu investimentu husi Orçamento Estadu ba futebol. Iha kompetisaun  ASEAN Games 2018, iha Indonésia, partisipasaun futebol iha futebol iha grupu C, hamutuk ho Republika Popular Cina, United Arabe Emerite no Syria. Halao jogo 3,lakon 3, resultadu 0 pontus,sofre golu 15,hatama golu 3 deit.

Resultadu ne´e demonstra duni jogu ne´ebe iha kampu, falta posisionamentu iha kampu, la iha transisaun bola husi defensivo ba oin,la konsegue konstroe jogu hodi lansa atake, la konsegue  taka adversariu ho didiak. Falta ritmu kompetitivu no estamina ba tuir alta kompetisaun, nota kedan iha wainhira  joga hasoru ekipa hanesan Republika Popular Cina no seluk la aguenta.

Hare ba resultadu husi ekipa futebol U23 no modalidades sira iha kompetisaun Asean Games 2018 iha Indonesia ne´e, Domingos Lopez observador  desporto, liliu Bola ba Haksesuk Bola, katak“ partisipasaun Timor-Leste iha kompetisaun ofisial sira nivel rejional hanesan: Sea Games (ASEAN), Asian Games (Asia),Olimpico (Mundial), buka aposta liu iha modalidade sira nebe mak bele duni kompete no lori prestasaun diak´´.

Hatutan Domingos Lopez, “ partisipasaun futebol ba kumpri kalendariu no jogu la iha ambisaun liu. Diak liu investe iha modalidades sira  nebe mak iha potensial kompete no bele hetan medalha´´.

Tenik tan Domingos Lopez,“ Governo liu husi FFTL buka muda paradigma foun ba prepara atletas ba oin, oinsa bele duni kompete iha kompetisaun sira nivel AFF, AFC no FIFA nian. Se tinan 10 ona mak la iha resultadu, muda paradigma, buka envolve steakholder sira hotu ba desenvolve futebol iha Timor-Leste´´, defende Domingos Lopez.

“ Timor-Leste iha potensia futebol no iha ninia kultura tatika rasik ne´ebe rai hela husi Portugal.Oinsa mak aproveita potensia ne´ebe iha´´, argumenta Domingos Lopez.

Governo fó ona fasilidade ba FFTL no Liga Futebol Amadora hodi organiza Liga Futebol Amadora iha tinan 3 ona. Buka oinsa mak kapasita atleta sira, treinador sira, arbitrajen no jestor futebol nian. (HB,wipedia asean games 2018).