Historia: 30 Azilo Politica husi estudantes Timor oan iha Indonesia (201.10.1986- 20.10.2016)

História Azilo ka Suaka Politica hahu iha tinan 1986, wainhira estudantes nain 4, ne´ebe estuda iha Universidade Católica Atmajaya Jakarta, Indonesia, husu axilo iha Embaixada Holanda.

Tuir Haksesuk Bola hatun informasaun kompleta cita sasin husi Abilio Sereno iha facebook  nudar  estudantes nain 4 ne´ebe hola parte iha asaun ne´e.

Cita sasin husi Abilio Sereno

´´ 20-10-2016: Ohin, halo tinan tolunulu (30 anos), maka estudante universitariu timor oan nain hat, husi Universidade Katolika Atmajaya, husu azilu pilitiku (suaka politik) ba Embaixada Holanda, iha Jakarta, Repúblika Indonesia. Estudante nain hat ne maka João Freitas da Câmara, agora hanesan Embaixador iha Birmânia/Myanmar, Antonino Gonçalves, agora hanesan Juíz Distrital Díli, Fernado da Silva, agora hanesan emprezariu no dirijente CCI no Abílio Oliveira Sereno, hanesan Kordenador ba Autoridade de Inspesaun no Fiskalizasaun ba Atividade Ekonómika, Sanitária no Alimentar (AIFAESA). Liu tiha loron tolu, iha loron 23/10/1986, dader, Polisia Sekreta Indnésia obriga Embaixada Holanda entrega estudante nain hat ba Autoridades Indonésia ho promessa ba Embaixada Holanda no Komunidade Inbternasional atu la halo at no la halo perseguisaun ba estudante sira nebe’e refere´´.
´´Husi estudante nain hat nebe’e refere iha leten, iha loron 03/10/1986, nain rua (Antonino Gonçalves no João Freitas da Câmara), polisia sekreta indonésia (intel) prende tiha hodi hatama iha prizaun ida iha Jakarta (sede INTEL BAKKIM), só husik sai husi prizaun nebe’e refere, iha loron 11/10/1986´´.

´´Iha Timor-Leste, no-mos iha fulan hanesan (Setembru), tinan 1986, polisia sekreta indonésia (íntel) prende mos no hatama ba prizaun Komarka, iha Díli, sira nain hat nia kolega nain rua, Germano da Silva, agora hanesan emprezariu no dirijente Federasaun Futebol de Timor-Leste, no Domingos Maria Sarmento, ex-Ministro da Justisa. Liu tiha semana ida, sira nain rua, polisia sekreta indonésia/íntel husik sai fali, tamba hetan presaun husi Komunidade Internasional. Iha loron 31/01/1989, husi estudante nain hat nebe’e husu azilu politiku, sira nain tolu kontinua hela iha Jakarta to Timor-Leste hetan referendo no Independensia, maibe Abílio Oliveira Sereno, halai ba Portugal liu husi Makau. Hela iha Makau durante semana rua, to iha Lisboa, Portugal iha loron 14/02/1989,to loron referendo no Independensia Timor-Leste´´.

Fonte: Abilio Oliveira Sereno