Hela jogu 2 ba LFA, hadau malu entre SLB ho CARSAE

 

Dili, Haksesuk Bola (HB). Liga Futebol Amadora (LFA) besik hotu ba edisaun 2015/16, hela deit jogu rua (2) ba termina ona kompetisaun. Iha jornada ba da 13, sei joga entre ekipas rua ne´ebe mak hadau malu ba lideransa Primeira Divisaun LFA 2015/16. Jogu entre SLB hasoru CARSAE, laos deit kompetisaun desportivas maibe alem jogu, konsidere Derby, tanba husi Clubes rua ne´e, se se mak nain, Sport Laulara e Benfica (SLB) identiku ho nain mak Kay Rala Xanana Gusmão, husi sorin ida. Sorin seluk, CARSAE FC naran husi Carrascalão Lorosae (CARSAE) nain mak Pedro Carrascalão, oan mane husi lider historiku  Mário Carrascalão.

Neduni jogu SLB vs CARSAE FC, alem de hadau ba lideransa iha LFA primeira divisaun, maibe joga mos naran boót Kaya Rala Xanana Gusmão nudar suporter ba SLB no familia Carrscalão suporter CARSAE FC.

Hare husi jogus, ekilibradus, hein 90´ se mak iha liu vantagen. CARSAE FC maske posisaun agora ho deit 18 pontus maibe menus jogu ida. Enquanto SLB ho 19 pontus,okupa posisaun numeru um,maibe obrigatoriamente manan iha jogu Sabadu (16/07/2016) tuku 04:30 loraik horas Timor-Leste. SLB la manan, vantajen ba FC CARSAE ka ekipas seluk mos iha posibilidades ba manan, hanesan AS Ponta Lest no Academica!

Haksesuk Bola!