Haksesuk Bola numeru 8

Iha fulan Julho tinan 2017 Jornal Haksesuk Bola, só publika dala ida deit iha edisaun ba dala 7 husi loron 20-26 de Julho de 2017, razaun tanba grafika“ Imprensa Nacional de Timor-Leste´´, iha semana 3 nia laran fokus ba imprimi buliting de votus ba Eleisaun Parlamentar tinan 2017.

Iha fulan Agosto tinan 2017, Jornal Haksesuk Bola nudar jornal desportiva ne´ebe mak dedika esclusivu ba Desporto iha rai laran no liur. Iha edisaun ida ne´e, sei hatun noticias destake ba kompetisaun domestika liliu Liga Futebol Amadora (LFA) primeira divisaun ne´ebe mak tama ba jornada ba dala 10 Clube Karketu Dili FC mak sai nudar ekipa ne´ebe konsistente no produtivu tradus husi resultadu, iha jornada ba dala 10 ekipa Matak malirin ne´e soma ona 25 pontus.

Ninia jogadores nain tolu (3) ne´ebe kontribui bót ba sucesu Karketu Dili FC nudar melhor markador mak Henrique da Consceição, posisaun avansadu no marka 10 golus, Antoine Veiga nudar medio marka 9  golus no Alan Leandro nudar avansadu marka 7 golus.

Edisaun semana ne´e nian mos Haksesuk Bola fó mos atensaun ba Associação Desportivo (AD) Sport Laulara e Benfica (SLB) ne´ebe konsegue  halo transferensia jogador dahuluk husi kompetisaun Liga Futebol Amadora (LFA) João Pedro ba Sporting Clube de Braga (SCB) iha Liga profisional Futebol ne´ebe ninia kompetisaun ás tebes no produs atletas mesak didiak iha merkadu futebol.

Mos Jornal Haksesuk Bola halo entrevista esclusivu ho dirijentes AD SLB nian konaba misaun no visaun clube nian oinsa mak transforma Clube nudar fatin ba pratika desportiva no konviviu kultural entre jovens sira.

Sea Games iha Kuala Lumpur, 19-30 de Agosto tinan 2017 , Timor-Leste ninia partisipasaun ho atletas total 50, mane 43 no feto 7, oficiais hamutuk 30. Delegasaun Timor-Leste ba Sea games Kuala Lumpur hamutuk ema nain 80.

Futebol Internasional mos kontinua sai hanesan atensaun iha kobertura husi Jornal Haksesuk Bola, transferensia karu maibe polemika, Nyamar husi Barcelona ba PSG, Mbappé husi Monaco ba Real Madrid no dala ruma mos Messi husi Barcelona ba Manchester City, merese mos atensaun husi Jornal Haksesuk Bola.

Kompetisaun ba modalidades desportiva sira hanesan Liga nacional  Basquetbol  de Timor-leste (LN BTL) kontinua sai nudar atensaun ba kobertura Jornal Haksesuk Bola iha edisaun ne´e!

Haksesuk Bola

Edisaun loron 04-10 de Agosto 2017