Futebol sai industria hafoin bele dada empresarius nacionais sira investe

 

Dili, Haksesuk Bola (HB). Futebol sai hanesan industria hafoin bele dada interese husi seitor privadus sira bele investe iha Futebol, haktuir  Lino Agosto. Hatutan Lino Agosto, ´´ Empresarius sira atu investe iha futebol, maibe sa retorno mak sira bele hetan husi  investimentu ne´e rasik´´.

Foin dadaun ne´e, Secretario Estado Juventude no Desporto (SEJD) Leogevildo Hornai, ható lia menon ne´e iha Gala Liga Futebol Amadora (LFA) ba dahuluk, Quarta-Feira (10/08/2016),´´ SEJD konvida ba Empresarius sira investe iha  futebol´´.  Tenik tan Leovegildo Hornai, ´´ ne´e laos sadik, maibe  konvida atu hakat tuir emprezariu nacional balun ne´ebe hahu ona investe  klube futebol´´.

Futebol ohin loron sai hanesan industria, transferensia jogadores sira iha ninia valores osan, futebol kria merkado trabalho, futebol dada industria sira ninia interese ba aposta iha marketing ba kualker jogu futebol.

Teni tan Lino Agosto,´´ Futebol Timor-Leste atrativu ba rai liur sira interese ba ita nia atletas sira, wainhia Liga Futebol mos hetan atensaun husi rai sira futebol desenvolvidu ona, hanesan Clubes bobot iha Europa ne´eba´´, defende Lino Agosto ne´ebe empresariu nacional ne´ebe ninia atividades negocios iha área lazer ne´e.

´´ Se futebol no atletas mak desenvolve diak, precisa duni komponente sira hotu, Governo ninia vontade politika, Federasaun Futebol Timor-Leste (FFTL) no Liga Futebol Amadora (LFA) nudar organizasaun ba futebol serviço hamutuk´´, argumentu Lino Agosto.

Haksesuk Bola