França ekipa multikultural no lini hotu kompletu, 1998 no 2018*

Hare jogu husi fase grupu, 1/8 final hatun Argentina, 1/4 final hatun Uruguai, 1/2 final hatun Belgia. Manan ekipa 3 ne´ebe mesak kandidatu ba kampiaun, iha tempo normal 90´+ ET (extra time). França ekipa ida nia estrutura la muda, disciplina tatika, konsistente meio kampu, solidu defesa no seguru iha baliza, dinamika atake. LA iha mitos mak determina manan, faktor sira ne mk bele determina jogo final, klaru França hit Taça Fifa 2018.

França alem futebol (laos bola deit), team França iha tinan 20 nia ekipa ida multi-kultural no diversidade ,França laos França oan sira deit, imigrantes sira nia oan sira hamutuk forma ekipa kampiaun tinan 1998, hahu husi Zinedin Zidane (Argelia), Patrick Viera (Cabo Verde), Thuram (), Therry Henry (ilha Pacifico-Frances),David Treseguet (Argentino), Lizarazzu (Espanhol), Robert  Pires (Portugues),

Iha tinan 2018, ekipa França mos ne´ebe lidera husi Hugo Llores ho jogadores seluk, barak liu kompostu husi imigrantes nian oan hanesan:  imigrantes nia oan sira mak Pogba (Guíne), Mtuti no Mpappé  (Cameron), Matuide (Angola),Tolisso (Togo), Grysman (Portugal), Giroud (ex-Jegoslavia), Hernandes (espanhol)  no seluk tan.

Buat ne´ebe mak hanesan França 1998 ho 2018

Iha tinan 1998, final hasoru Brazil (12/07/1998)  Dedier Dechamps,kapitaun no medio hatais kamizola 7 nebe treina husi treinador  Aime Jacquet .

Jogador Fitun, iha tinan 1998, Zinidin Zidane mak fitun hatais kamizola 10,tinan ne´e 2018 mak joven Mbappé, tinan 19,kamizola 10.

Selesaun 1998, jovens mak dupla  Therry Henry no David Trezequet,ho idade 20. Tinan 2018 mak Mbappé.

Avansadu numuru 9 la marka golu, iha tinan 1998, avansadu Guivarc’h , joga dala  6 la marka golu maibe ajuda Therry Henry  hatama golu 3 no Ptit hatama golu 2. Iha tinan 2018, Oliverd Giroud, kamizola 9, iha jogu 6 la hatama golu, maibe ajuda atake Grysman ho Mbappé.

Buat seluk hanesan mos mak ,maske ho intervalu tinan 20 ho jerasaun rua. Solidu iha sistema defesa. Iha tinan 1998,tekniku Aimé Jacquet konta ho duplu Marcel Desailly (Ac Milan) no Larent Blanc (FC Barcelona) forma dupla ne´ebe forte, hetan apoiu husi medio volante Chistian Karembou,Didier Deschamps no Emmanuel Petit, oras ne´e Kanté ho Paul Pogba mak protege defesa sira, forma husi Raphael Verane (Real Madrid) no Samuel Untiti (Barcelona).

 

Ikus liu, pontu ne´ebe mak hanesan lateral-direitu. Adapta husi estremu ba leteral. Iha tinan 1998, Lilian Thuram,utiliza husi treinado Aimé Jacquet. Oras ne´e, Pavard mak asumi postu ne´e. Iha semifinal hasoru Croacia, França no hakat ba final ho golu 2 husi defesa Lilian Thuram.Agora 2018, jogu 1/8 final hasoru Argentina, Pavard hatama golu empate 2-2, restu Mbappé hatama golu rua konfirama vitoria França nian.

Maske tinan 20 liu ona,nota katak França preserva hela ninia estilu jogu , maibe iha mos inovasaun. Mantén foram joga hanesan,ho atletas sira tekniku. Maske nune, konsegue inova duni,diak liu ida ne´e, nia hatene renova ninia selesaun hodi buka konquista Bi-campião,dadaun ne´e iha Russia 2018.

*António Ramos Naikoli,adepto bola, gosta bola no sani konaba bola!