FFTL sei halao kongresu iha fulan Janeiro tinan 2018

 

Dili. Federação Futebol de Timor-Leste (FFTL) sei halao ninia kongresu iha fulan Janeiro tinan 2018, haktuir Vice Prezidente FFTL Filomeno Fernandes ba Haksesuk Bola, wainhira akompana Selesaun nasional U18 ba partisipa AFF iha Myanmar, iha aeroporto Internasional Prezidente Nicolau Lobato, Sexta-feira (01/09/2017).

Haktuir tan Filomeno Fernandes, “ kongresu mak bele deside hodi muda no hadia buat hotu´´.

Konaba envolvimentu Liga Futebol Amadora (LFA) ho Clubes sira iha Kongresu, hateten Filomeno Fernandes, “ Estatuto mak bele loke dalan ba LFA ho Clube sira bele hola parte iha kongresu´´.

“ Kongresu mak bele altera hodi hatama tan asosiadu foun ba membru FFTL, inkluindu Clube sira ho LFA´´, defende Meno Fernandes. (Haksesuk Bola)