Fase grupu AAF Suzuki Cup 2018, Timor-Leste jogu rua iha uma

Dili.Jogu qualifikasaun ba AAF Suzuki Cup 2018, iha jogu dahuluk (1º jogo) Timor-Leste empresta KLFA Stadium, Cheras, Malaysia, Sabadu,01.09.2018, Timor-Leste 3-Brunei 1.

Jogu daruak (2º jogo) sei halao iha Brunei nia uma, iha Hassanal Bolkiah National Stadium, loron Sabadu, 08.09.2018 tuku 20:15,horas Brunei nian. Maske falta 90´minutus, Timor-Leste lori vantajen ho agregadu 3-1, basta empate no Brunei labele hatama bola liu 3.

Timor-Leste hakat ba jogu fase grupu, iha grupu B, hamutuk ekipa hanesan: Indonesia, Thailandia, Filipina no Singapura, sei realiza jogu 4, jogu rua iha uma no rua liur.

Iha Timor-Leste sei hasoru Thailandia,09.11.2018 no joga hasoru Filipina iha loron 17.11.2018. Jogu iha liur ho Indonesia iha loron 13.11.2018 no joga ho Singapura iha loron  21.11. 2018.

Pergunta mak: infraestrutura ka estadio Municipal Dili, prontu ona hodi realiza jogu internasional nivel AAF,AFC no FIFA? (hb ho aseanfootball.com)