Evaresto sai vensedor ba klasse 50-55

Dili: Kampionatu Nacional FHACUPTIL ba dala 4 ne’e Evarestu da Costa husi Jym Koni sai vensedor ba kompetisaun ho klasse 50-55 ne’ebé hala’o iha Sexta-feira (16/06/2017).

“Senti kontenti tebes ha’u hetan 10 lugar ba kampionatu dala 4 ne’e, tanba iha tinan kotuk hetan 30 lugar no ha’u esforsu aan hetan 10 lugar iha tinan ida ne’e,” teni atleta no. 2, Evaresto da Costa ne’ebé sai vensedor ba kompetisaun klasse 50-55.

“Ba kolega sira ne’ebé ohin la hetan 10 lugar to 30 lugar tenki esforsa makas tan atu nune’e tinan oin mai bele hetan fali klassifikasaun,” hatutan atleta ho no. 2 ne’e ba jornalista HB.

Entretantu treinador husi Jym Koni Martino hatete “kontenti tanba iha Koni ami hanesan treinador ami esforsu makas atu nune’e ohin loron sira hetan 10 lugar”.

Iha fatin refere atleta no. 66 Erespilo Luis Antonio ne’ebé hetan 20 lugar iha kommpetisaun ne’e hatete “ha’u manan iha 20 lugar mesmo ha’u iha parte fraku ruma, ha’u sei la lakon esperansa no espera katak tinan oin ha’u sei esforsu aan nafatin oinsa bele kompete nafatin ho kolega sira seluk no bele hakat ba fase 10 lugar”.

Alende ne’e 30 lugar husi atleta Jaquelino M. da Costa ho no. 55 hatete “hetan 30 lugar hanesan buat foun ida mai ha’u tanba iha kampionatu ne’e ha’u pela preimeira vez tun, maibe ha’u hetan 30 lugar katak ha’u mos bele no durante treinu ne’e iha resultado duni, espera katak tinan oin mai ha’u bele kompete nafatin ho kolega sira seluk”. (Elisensia)