ETO TELCO sei hatan ba ATC nia karta

Dili.Kampionatu Mundial Futebol ne´ebe organiza husi FIFA tinan hat (4) dala ida, tinan ne´e organiza iha Russia ka “FIFA World Cup 2018´´.Adeptus Bola iha mundu tomak balun ba asiste no fó suporta sira nia ekipa ka team favoritu, seluk akompana liu husi Televisaun.

Iha tinan 2017 FIFA loke konkursu ba TV sira hotu atu tuir, se mak manan heta direitu esklusivu ba transmisaun direita ba jogo sira FIFA World Cup 2018 nian.

Iha Timor-Leste ETO TELCO mak apresenta proposta  no manan konkursu ne´e hodi hetan transmisaun direita no esklusivu ba Kopa Mundial iha Russia tinan 2018,hahu loron 14 fulan Junhu-15 fulan Juliu tinan 2018.

Teknikamente transmisaun ETO TELCO nian mosu failansu barak no hetan kesar husi Konsumidores sira ba Associação Tane Consumidor (ATC).

ATC ható karta ba ETO TELCO atu hadia ninia performense liliu kestaun teknikas sira, hanesan hakerek agencia Noticias Timor-Leste nian Tatoli, “ ATK husu ETO+ hadi´a kualidade Transmisaun Kampionatu Mundi´al (in Tatoli, 27/06/2018), (1).

Komunikadu ne´ebe mak Haksesuk Bola hetan asesu husi pagina Facebook Tane Konsumidor nian konaba reklamasaun teknikas sira:

“ Ami nia Asosiasaun simu ona, iha semana ikus liu ba ne’e, reklamasaun no kesar hirak konaba Transmisaun Kampeonatu Mundial ba Futebol 2018. Kesar hirak ne’e kaet/relasiona ho buat seluk tan mak hanesan tuir mai ne’e:

• Transmisaun ne’e kotu hela deit durante jogu, no dala ruma ho periudu naruk, nune’e mos akontese transmisaun la kompletu ba jogu ne’e;

• Interupsaun hirak ne’e hosi servisu la dehan uluk ba konsumidor sira;

• Durante transmisaun jogu hirak ne’e, iha pauza barak ba imajem no kualidade la diak no temi hosi empreza;

• Jogu barak mak transmite no laiha komentáriu ruma ba apoiu imajem hirak ne’e ;

• Nune’e transmisaun ne’ebé fó sai hosi servisu ida ne’ebé iha pakote ida ba kanal barak, empreza altera kanal ne’ebé halo transmisaun, la halo avizu uluk ba (26/06/2018)´´, (2).
Espetador/hare-nain sira;

Wainhira Haksesuk Bola kestiona ba ETO TELCO liu husi Facebook “Eto Telco Timor Leste´´, hatan katak,“ Ami prepara hela atu resposta karta ne( 29/06/2018)´´.

Vice Presidente ATK Ivo Pinto ba Haksesuk Bola haktuir katak tó oras ne dadaun seidauk simu resposta husi ETO TELCO konaba karta ATK nian. (hb,tatoli no pajina fb tane  konsumidor).

 

Referensia:

1) ATK husu ETO+ hadi´a kualidade Transmisaun Kampionatu Mundi´al

http://www.tatoli.tl/2018/06/atk-husu-eto-hadia-kualidade-transmisaun-kampeonatu-mundial/

2) Nota ba Comunicação Social  https://www.facebook.com/TaneKonsumidor/photos/a.723700198018159.1073741828.723615641359948/786758775045634/?type=3&theater