Éder Lori Portugal Sai Primeiru Campionato EURO 2016

DILI, HAKSESUK BOLA, EURO2016 França-Iha jogu Final EURO 2016, entre ekipa nacional Portugal no França, rezultadu ikus lori ekipa nacional Portugal sai campionato, husi golu jogador Éder iha minute 109.

Jogu ne’e lao ho tensaun ida aas tebes, iha minutu 25 nia laran deit Cristiona Ronaldo obrigado tenki husik hela kampu, tanba hela aliza iha ninia ain, hafoin xoke malu ho jogador França Payet.

Iha jogu ne’ebe hahu tensaun ne’ebe makas husi ekipa macional rua, maske halo kontra atake ba malu durante minutu 90 nia laran, maibe laiha golu ne’ebe akontese ba ekipa rua.

Nune’e lori ekipa rua tenki hakat ba minutu 30 extra time tan, iha munutu tolu nia laran ekipa rua nafatin hatudu jogu ba malu, maibe sorte fila fali ba Portugal nia liman, iha minute 109 jogador Portugal Éder hatama golu ida ba França hodi termina taxa EURO 2016 sai Portugal nian.

Ida ne’e nudar primeiru taxa ba ekipa nacional Portugal iha era Cristiano Ronaldo ho nia kolega sira. iha tinan 2004, Portugal failha foti taxa EURO, tanba lakon ho Yunani iha ninia uma rasik no agora situasaun refere fila fali ba França ne’ebe hanesan uma nain tenki husik EURO ba Portugal nia liman.

(HAKSESUK BOLA)