Derby Manchester, Guardiola manan Maurinho, City hatun United iha MU Old Trafford

Manchester, Haksesuk Bola (HB).Derby cidade Manchester, alem de jogu entre Clubes rival rua iha cidade ida mak Manchester iha Norte Englaterra ne´e, maibe duel mos iha dery entre Maurinho vs Guardiola. Treinadores rua ne´ebe, naran bóot iha futebol Mundial no Europeu. Maurinho naran sai bóot wainhira treina FC Porto, Portugal, lori Porto manan Taça UEFA edisaun 2002/3, Liga Champions edisaun 2003/4, pois tranferensia iha epoka 2004 ba Chelsea FC ho naran alkuna ´´ The Especial One´´. Iha ninia lideran iha Clube Londres ne´e, Maurinho lori hikas Chelsea ba sai kampiaun no konstroe ekipa ba sai kampiaun.

Pois haktotu ninia ligasaun ho Chelsea, Maurinho muda ba Inter Milan,iha 2010 nudar tinan ba Inter Milaun, Maurinho konsegue Lori Inter Milan, manan kompetisaun hotu-hotu, Liga serie A, Copa Italia no Liga Champions 2010.

Pepe Guardiola, nudar jogador hahu husi formasaun iha Clube Barcelona to´o jogador senior. Nudar treinador Pepe Guardiola mos, suceso lori FC Barcelona manan Liga Champions, Taça del  Rei, Kampiaun La Liga no taça mundial Clubes sira nian.

Treinadores nain 2, Maurinho no Guardiola, laos foin hahu iha Manchester, maibe hahu kedan iha La Liga, entre Real Madrid vs FC Barcelona, ekiaps rivais espanhol nian ne´e. Rivalidades no derby dala barak lori ba to´o intereses Politika  Real Madrid nudar simbol poder Real ka Monarquia Espanha ne´ebe domina husi kultura ´´Castelo y Leon ´´. FC Barcelona ne´ebe nudar simbol ba Nacionalismo Catalão husi Catalunha, hare husi simbol Barcelona nian hanesan mos simbol  movimento Independentista Catalunha nian.

Konfrontu direitu ba dahuluk entre ekipas 2 iha cidade Manchester, iha sabado (10/09/2016),  Guardiola manan ba derby dahuluk  no Maurinho tolan resultadu ne´ebe mak halo ninia ekipa simu derrota husi rival City. Guardiola ninia tatika lori vantagen hasoru Maurinho nian, resultadu final: M.United 1-M.City 2.  Adeptus bola sira, sei kontinua akompana duel entre Maurinho vs Guardiola,sira nain 2 nudar komandante ekipas bóot rua ne´e, ida ne´ebe mak atu manan iha kompetisaun EPL edisaun 2016/17?

Foto:abola.pt