Copa 12 Novembro loke jogu entre Aitana FC vs Zebra FC

 

Dili, Haksesuk Bola (HB). Copa 12 de Novembro ne´e realiza tinan-tinan, edisaun 2016 nian sei hahu iha Quinta-Feira (04/08/2016) iha Estadio Municipal Dili, Timor-Leste, tuku 04:30 Hora Timor-Leste (HTL). Copa 12 de Novembro, eventu desportivo ne´ebe integra iha selebarasaun tinan-tinan ba Masacre 12 de Novembro de 1991. Jogu abertura, sei joga entre Aitana FC nudar detentor ba taxa Copa 12 de Novembro, edisaun 2015 hasoru Zebra FC.

Tuir António Ramos editor no fundador ba Haksesuk Bola hakerek iha fanpagen Facebook Haksesuk Bola katak,´´ Parabens ba Komisaun Organizador, Comite 12 de November no LFA ne’ebe asosia ba Copa 12 de November. Honra ba memoria Loriku Assuwain sira, mai ita hakbiit Força juvetunde nian liu husi desenvolve Futebol nudar desporto rei Iha Timor-Leste. Promove paz sosial no desenvolvimento Nacional´´.

Justino de Jesus nudar membro Comite 12 de Novembro no mate resto 12 de Novembro de 1991 ba Haksesuk Bola (HB) katak,´´ Desporto meius ida hodi halibur jovens sira, desenvolve talentos liliu iha areas desporto´´. Hatutan Justino de Jesus,´´ nudar mate resto 12 de Novembro no jovens ne´ebe envolve iha luta ba litertasaun nacional,ita iha responsabilidade ba paz sosial no kontribui liu husi promove desporto,liliu futebol´´.

Comite 12 de Novembro nudar organizasaun ne´ebe halibur mate resto 12 de Novembro de 1991,iha ninia responsabilidade moral ba historia no tané ás prinsipius ukun rasik nian, organiza eventus oi-oin,desportiva no kultural nudar agenda ne´ebe determina ona.

Tinan ida,2016, Copa 12 de Novembro, realiza ho parceria ho Liga Futebol Amadora (LFA) nudar organizasaun ba Futebol iha Timor-Leste no envolve hotu 21 ekipas iha kompetisaun eskalaun primeira no segunda Divisaun LFA nian!