Boxing: Admin Tan promotion servisu hamutuk ho Sasana Tomas Americo

Dili. Tinju nudar modalidade desporto ne´ebe mak ninia adeptus barak iha Timor-Leste. Mos iha boxista Timor oan sira ne´ebe mak konesidu iha pasadu historia konesidu tamba nudar pratikante ba boxing no hetan prestasaun diak iha mundu,hanesan Tomas Americo, Francisco Lisboa, José Ramos, no seluk tan.

Prestasaun no memoria Tomas Americo nian lori hamorin Timor nia naran iha mundu mak Tomas Americo, hakerek Jornal Haksesuk Bola, numeru 3, edisaun 01-08 de Junho 2017, ´´ Tomas Americo Hamorin Timor ho Boxing (HB)´´.

Tuir Admin Tan husi Admin Tan Promotion Jakarta ba Hakseuk Bola haktuir katak, ´´ Iha Timor-Leste iha atletas sira ne´ebe iha talentus barak iha boxing, maibe importante tenki iha kompetisaun bele promove atletas sira ne´e´´. Hatutan Admin Tan, ´´ boxing ka tinju importante mak kompetisaun nune bele dada interese husi pratikantes sira no promove sira nia talentu husi amadora ba profisional Tinju´´.

Tenik tan Armin Tan ne´ebe nudar nain ba Admin Tan promotion ne´e ba Haksesuk Bola, iha Colmera Dili, Quarta-feira (07/06/2017), ´´ investimentu ba kompetisaun Boxing ka tinju ladun karu, kompara ho tebe bola´´, defende promotor Admin Tan promotion no mos nudar treinador ne´e.

Armin Tan promotion oras ne´e iha boxista nain rua mak iha nivle mundial iha WBC mak  Tibo Monabesa ne´e iha ambisaun sai sai kampiaun mundial ba WBC tinan ida ne´e.

Wainhira husu konaba ninia presensa iha Dili, Timor-Leste, objetivu atu servisu hamutuk ho Sasan Boxing Tomas Americo ne´ebe representa husi Joel Pereira. Haktuir tan Admin Tan, ´´ rai sira ASEAN, potensia Boxing mak Filipina no Thailandia, tanba sira iha motivasaun no qualidade iha jestaun rasik´´.

Presensa Armin Tan nia mos akompana  ho boxista husi Armin Tan Promotions, Defry Palulu, husi Sumba Timur, NTT, Indonésia.

Textu/editor:ASilva no Foto:Haksesuk Bola!