Atu tuir kompetisaun Clube AFC nian precisa kumpri Iha 29 kriterius AFC

 

   Dili, Haksesuk Bola (HB).  Kompetisaun  Liga Futebol Amadora (LFA) hetan ona atensaun husi  klibur sira sai mahon ba Futebol iha Mundu hanesan FIFA no Asia nian mak AFC. Kompetisaun LFA tama ona edisaun daruak tinan 2017, husi primeira no segunda divisaun. Iha clube sira neébe sai manan nain ba Kompetisaun primeira divisaun LFA tinan 2017 mak Karketu Dili FC no Atletico Ultramar nudar manan nain ba Taça 12 de Novembro bele tuir kompetisaun AFC Champions no AFCCUP. Tuir publikasaun Haksesuk Bola Online (29/11/2017), “ Clube rua LFA nian bele tuir kompetisaun  AFC nian edisaun tinan 2018 (HB,29/11/2017)´´ (1).

Hatan ba posibilidade ne´e, dirijente balun iha FFTL haktuir katak, “ Clube sira iha LFA atu tuir kompetisaun nivel clube  Clubes iha AFC (Asia Conferation Futebol ) nian precisa kumpri kriterias sira ne´ebe AFC estabelese´´.

Tuir fonte husi Federasaun Futebol Timor-Leste (FFTL)  ba Haksesuk Bola iha  Quarta-feira (29/11/2017), ´´ Clubes sira hola parte kompetisaun LFA atu partisipa iha  kompetisaun iha nivel AFC tenki kumpri 29 kriterius ne´ebe AFC estabelese ona´´.

Tenik tan dirijente ne´e, ´´ minimu tenki kumpri kriteriu 10, nuné bele tuir kompetisaun nivel Clubes AFC nian´´. 

Akompana informasaun kompletu le edisaun Jornal Haksesuk Bola numeru 18, edisaun 01-08 de Dezembro tinan 2017!

Referensia:

1)Clube rua LFA nian bele tuir kompetisaun AFC iha edisaun tinan 2017

Clube rua LFA bele partisipa Kompetisaun AFC nian edisaun 2018