AKontese Golu 7 Iha Arsenal vs Liverpool

DILI, Haksesuk Bola-Premier League tinan 2016/17ne’e iha kompetisaun ne’ebe makas manas tebes, realidade hatudu bainhira ekipa boot rua Arsenal vs Liverpool iha jornada primeiru, akontese kedas golu hitu (7).

Iha jogu entre Arsenal vs Liverpool, Segunda (15/08/2016) dadersan iha Stadium Arsenal nian Emirates Stadium, ekipa bainaka Liverpool konsege hadau pontus tolu hodi manan Arsenal ho skoru 4-3.

Durante minutu primeiru hahu jogu, ekipa rua hotu-hotu mai ho tensaun ida boot hodi halo kontra atakes ba malu. Iha kontra atakes ne’e, Arsenal hatama golu primeiru husi Jogador Theo Walcott iha minutu 31 no Liverpool halo resposta golu iha minutu ikus primeira parte nian husi Jogador Philippe Coutinho, skoru 1-1.

Iha segundu parte, Liverpool mak marka uluk golu fila fali liu husi Jogador Adam Lallana iha minutu 49 i nune’e mos Liverpool kontinua hatama tan golu rua tutuir malu liu husi Jogador Philippe Coutinho iha minutu 56 no Jogador Sadio Mane iha minutu 63, hodi halo skoru 4-1, Liverpool 4 no Arsenal 1.

Entertantu, depois de golu ne’ebe marka tutuir malu husi Jogador Liverpool ne’e provoka ekipa uma nain Arsenal mos hakas aan fila fali hodi marka golu ba Liverpool, maibe Arsenal so bele marka golu rua deit, liu husi Jogador Alex Oxelade Chamberlain iha minutu 64 no Jogador Calum Chambers iha minutu 75, no skoru ikus 3-4.

To’o minutu 90 remata, laiha tan golu ba malu no ekipa Treinador Klopp nian Liverpool mak sai hanesan manan nain iha jornada primeiru Premier League 2016/17 ne’e i iha direitu ba hetan pontus tolu, no ekipa Treinador Wenger tenki hahu ho pontus jero iha jornada primeiru.

HAKSESUK BOLA (HB)

Foto: Getty Images Sport/Mike Hewitt