AFF U19: ETO TV sei transmisaun direta ba jogu TL vs Thailandia

Dili, Haksesuk Bola (HB). Jogu semi final AFF U19 entre Timor-Leste vs Thailandia, sei transmite liu husi ETO TV (Tv Cable), loron 22.09.2016, tuku 6 kalan.

Jogu entre Selesaun Nasional U19, Timor Leste vs  Tailandia,  hadau malu ticket  ida ba Final U19 Taça AFF. Semi final ne’e sei hetan transmisaun direita husi Kadeia televisaun privada Timor Leste Eto Plus nebe foin dadaun ne´e muda naran ba dTV.

Selesaun Lafaek Junior,  joga ba daruka  Semi Final hasoru equipa Tailandia,  nebe tuir mercado aposta online  ne´ebe fó favoritu ba manan jogus semi final, Timor-Leste vs Thailandia.

 Timor Leste laos favoritu tuir merkadu aposta online,  maibe Lafaek kiik sira, hatudu ona ba Publiku Boal iha Sudeste Asiatico katak sira laos adversario ida nebe facil ba equipa Thailandesa,tanba ekipa Lafaek konstroe ho meio kampu ne´ebe kompaktu no aposta iha kontra atake perigu ba oin.  

Dupla atakante ne´ebe mak ekipa sira iha Sudeste Asiatico respeitu mak: Rofino Gama husi Académica, Kefi husi DIT FC ho Abati.  Lafaek kiik sira sei hatur mehi adeptos bola Timor-leste nian iha palku Bola iha Sudeste Asiatico ka liliu iha rai sira ASEAN nian,lori Timor-Leste ba final AFF U19 tinan 2016.

Adeptos Bola Timor-Leste, liu-liu foin sae sira, hatudu sira nia  entusiasmo tebes atu assiste jogu  entre Selesaun Timor-Leste hasoru Thailandia, jogu  entre selesaun rua ne’e bele asiste liu  husi Antena Parabolica husi ETO PLUS (dTV) nudar parceiro ba Selesaun Nasional atu transmite jogos Selesaun Nasional iha iha aban bai rua ho nune’e adeptos Bola  bele hare jogos selesaun Timor-Leste. 

Espetativa áas ba ekipa foin sae Lafaek nian,atu hatutan mehi ema rihun ba rihun,liliu klosan no foin sae Timro oan nebe hadomi no gosta ba Bola! 

Fonte: Facebook Grande area!