AFF U19 2016:Timor-Leste hela deit iha 4º lugar

Hanoi, Haksesuk Bola (HB). Timor-Leste ninia partisipasaun iha torneio AFF U19 tinan 2016 termina ho hela iha posisaun 4º lugar. Hafoin halo kampane espetakular liu fase grupos,hakat ba semifinal lakon ho Thailandia 2-1 no jogu ohin Sabadu ( 24/09/2016) ho uma nain Vietnam, Timor-Leste lakon 3-0.

Nune´e Timor-Leste okupa 4º lugar, tama ba 4º melhores ekipas Asean Futebol Association (AFF) iha tinan U19 iha total rai 12.

Iha fase grupos Timor-Leste akompana Vietnam, ne´ebe uniku resultadu negativu mak jogu ho Vietnam no resultadu hanesan kontinua iha jogu hadau 3º lugar.

Tuir Diplomata Timor-Leste iha  Bangkok, Francisco Dionisio Fernandes, hakerek iha ninia Face Book katak, ´´

Obrigado alin sira, preparaan fali ba futuru, Alin sira halo maximo ona no kumpri ona misaun ho diak. , Quarta Lugar diak ona, akompanha durante joga iha Torneiu pasa deit iha Semi-Final mos maximu ona..Imporante lalika lakon esperansa, Kontinua desenvolve talenta nebe iha, badinas treinu, iha futuru Torneiu sira sei halo diak liu. Alin sira balun, sei kontinua joga iha Selecao Nacional Senior nebe sei participa iha Pra-Kualifikasi Suzukip Cup 2016, fulan Outurbru 2016, Iha Cambodia“.