AFF U19 2016 adeptos Bola TL hakarak final: Lafaek vs Kangguru

Dili, Haksesuk Bola (HB). Hafoin manan Singapore no hakat ba semi final hasoru Thailandia nudar vencedor ba grupo B, Haksesuk Bola lança pergunta ba adeptos Bola sira, ho hanoin katak Timor-Leste manan Thailandia,maske misaun imposivel hasoru Thailandia maibe bele mehi ba ona final.

Situasaun politika,liliu liga ba Fronteira Maritima ne´ebe Timor-Leste ho Australia  luta hela dadaun konaba ´´ Median line´´, adeptos Bola sira nia mehi jogu final: Lafaek vs Kangguru.

Jogus ne´e iha ninia sabor oin seluk,laos bola nudar desporto rei,maibe iha mos motivu seluk maka razaun politika nebe envolve Nasaun rua,liliu konaba disputa fronteira maritimas, entre  Timor-Leste ho Australia ne´ebe marka ajenda atualiadade politika  Internacional ne´ebe koloka  rai rua iha disputa.

Maibe selesaun Timor-Leste mos tenki realista,laos facil hakat liu Thailandia ne´ebe nudar manan nain ba grupu B ne´ebe iha jogu 4 koleta pontus 12, hela jogu ida tan.

Parte seuluk mos Australia se vice grupu B, sei ba hasoru uma nain Vietnam  favoritu. Qualquer resultadu Timor-Leste hasoru Thailandia, Vietnam hasoru Australia, la taka dalan Timor-Leste hasoru Australia, iha situasaun rua (2), ekipas rua manan hotu no seluk ekipas rua lakon hotu. Manan hadau malu 1º no 2º lugar, lakon hadau malu 3º no 4 º lugar.

Mai ita suporta Ekipa Lafaek, hasoru se deit, inkluindu Kangguru, diak liu tan Lafaek hasoru Kangguru, Garuda sira tur hodi asiste deit iha sofa no hare TV deit!

HAKSESUK BOLA 2016!