9º jornada primeira divisaun LFA 2017: AD SLB 2-FC Porto Taibessi 1

Baucau. Jogu jornada ba dala 9 entre Associação Desportiva (AD) Sport, Laulara e Benfica (SLB)  hasoru FC Porto Taibessi ne´ebe joga iha estadiu Munisipal Baucau, iha loron Sabadu (01/07/2017) tuku 4 loraik.

Iha primeira parte 45´ jogador AD SLB Mikel Debra hatama golu 2, iha minutu 23´ no 33´. Tama ba segunda parte ekipa AD SLB tenta asegura vantajen maibe FC Porto Taibessi buka halai tuir desvantajen no konsegue reduz ho golu ida liu husi jogador Armindo Almeida iha minutu 55´.

Resultadu ne´e la altera no mantén tó 90´minutus nia rohan, AD SLB manan FC Porto Taibessi ho skor 2-1. Tama ba jornada ba dala 9, AD SLB soma 17 pontus no hela iha segundu lugar tabela klasifikasaun primeira divisaun Liga Futebol Amadora (LFA) edisaun tinan 2017 no lidera husi Karketu Dili FC, soma 18 pontus menus jogu ida.(Asilva)