Real Madrid boron The Best FIFA 2017

Clube Real Madrid boron hotu premios ba The Best FIFA 2017, ba jogador no mos ba treinador. Jogador sira nebe mak tama lista badak ka short list mak Cristiano Ronaldo (Real Madrid), Leonel Messi (FC Barcelona) no Nyamar (PSG). Nune mos husi parte treinador sira neébe hetan nomeasaun mak treinador Zenedin Zidane (Real Madrid), Massilano Alegre (Juventus) no Antonio Conte (Chelsea FC).

Jogador nain tolu (3) hili Cristiano Ronaldo mak manan premio «The Best FIFA 2017» mak Cristiano Ronaldo (Real Madrid). Atribuisaun premio neé tanba sucesu clube Real Madrid nia rasik hanesan ekipa.Cristiano Ronaldo atua hanesan elementu ida iha clube.

Nune mos treinador Zenedin Zidane ninia sucesu mos lori clube no konfiansa nebe estrutura clube nian fó ba nia. Nia halao ninia servisu  no atinji objetivu neébe mak Clube hakarak. Iha tinan ida ho resin Zenedine Zidane, manan Liga Champions dala rua tutuir malu (2016 & 2017), La Liga (2017), Super Taça Europeia 2017, super taça Espanhola no Mundia Clubes 2016.

Ekipa Reala Madrid iha ninia istoria konsidere nudar ekipa milionario no kampiaun , ninia sucesu iha kampionatu domestika ka La Liga no hetan deit rivalidade husi ekipa husi Catalunha mak FC Barcelona. Mos iha kompetisaun nivel Clubes Europa nian, Real Madrid mak domina no manan Taça Liga Champions dala barak liu ho rekoila hamutuk trofeu ba dala 12 ona.

Susesu Clube Real Madrid husi kapital Espanhol neé tanba estrutura nebe montada husi financeira,infraestrutura, marketing, futebol rasik servisu ho diak hodi atinji objetivu ida mak Real Madrid sai kampiaun iha lini hotu-hotu, husi parte desportiva, financeiras no marka Real Madrid. Sucesu estratejia no planu husi Real Madrid nian mak tradus liu husi rekonesimentu mundial ba sucesu nebe alkansa liu husi simu premios «The Best FIFA 2017».