1º Divisaun LFA tinan 2018: Karketu Dili FC manan DIT FC ho skor 1-0

Maliana. Kompetisaun 1º Divisaun Liga Futebol Amadora (LFA) tinan 2018, hahu abertura ohin sabadu (03/03/2018) jogu entre kampiaun 1º Divisaun LFA tinan 2017, Karketu Dili FC hasoru ekipa promosaun husi 2º Divisaun ba 1º Divisaun DIT FC, iha estadiu Municipal Maliabaka, Maliana, Municipiu Bobonaro, tuku 4 loraik.

Iha apresentasaun jogu dahuluk ekipa rua tama ho tatika buka manten ida-idak nia  tatika no kompakta iha defensivu. Parte rua aproveita deit oportunidade marka golu no manan. Karketu Dili adianta marka iha primeira parte iha minutu 20 liu husi jogador avansadu Fransyatma Kefi. Resultadu ne´e la altera tó jogu nia rohan (90´m).

Ho resultadu ne´e, ekipa kampiaun 1º divisaun LFA tinan 2017 okupa provisorio posisaun iha tabela klasifikasaun ho jogu 1 soma pontu 3. Enquantu DIT FC jogu 1 no soma pontu 0. (fonte:Lfa media 2018)